La Diktaturo de Primo de Rivera estis politika reĝimo kiu estis en Hispanio ekde la puĉo de la regiona ĉefgeneralo de Katalunio, Miguel Primo de Rivera, la 13-a de septembro de 1923, post interkonsento kun la reĝo, ĝis la demisio de la diktatoro la 28-a de januaro de 1930 kaj ties anstataŭo per la "Dictablanda" de la generalo Berenguer.
Spite klopodoj por regeneracio kaj progreso de ekonomio kaj infrastrukturoj, la Diktaturo estis kapabla stabiligi la politikan situacion per perforto nur dum ioma periodo, sed finfine venis politika krizo (komplike kun la situacio en Hispana Maroko) kiu senprestiĝigis la reĝon Alfonso la 13-a kaj preparis la vojon al la Dua Hispana Respubliko.